أسما شريف منير تعلن ارتداء الحجاب: ”قرار من القلب وراحة لا توصف”
أعلنت الإعلامية المصرية أسما شريف منير ارتداءها الحجاب، بعد مرور شهرين فقط على زواجها، مؤكدة أن هذا القرار نابع من قناعة شخصية وشعور عميق بالراحة النفسية.
ونشرت أسما صورًا لها عبر حسابها الرسمي على موقع إنستجرام وهي ترتدي الحجاب لأول مرة، وعلّقت قائلة:
"الحمد لله، مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح".
وتابعت في منشورها:
"الحجاب مش مجرد لبس، ده قرار من القلب وعهد بيني وبين ربنا وراحة متتوصفش.. ادعولي بالثبات، ومحتاجة أماكن أشتري منها لبس محتشم حلو يساعدني على الخطوة دي".
زواج أسما شريف منير
وفي يونيو الماضي، كانت أسما قد أعلنت زواجها عبر حسابها على إنستجرام، بعد رحلة طويلة من التأمل والمراجعة الذاتية.
وكتبت حينها:
"أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من تجارب واختيارات، فهمت فيها نفسي أكتر، وعرفت إيه اللي محتاجاه من الجواز، وإيه اللي مهم وإيه اللي مش مهم".
وأضافت:
"كنت دايمًا بدعي ربنا إنه يعوضني عن صبري، وحاولت بكل طاقتي إني أحافظ على نفسي وما أغضبوش، وكنت دايمًا بقول: يارب اختار لي ولا تخيرني، لحد ما ربنا اختار لي الصح".
قرار أسما شريف منير ارتداء الحجاب لاقى تفاعلًا كبيرًا من متابعيها، الذين عبّروا عن دعمهم واحترامهم لخطوتها، مؤكدين أن هذا القرار دليل على نضج روحي وصدق النية.