• الرئيسية
• منوعات

أعلنت ابنة الفنانة أصالة نصري شام الذهبي ، عن آخر تطورات الحالة الصحية لـ آدم نجل الفنان المصري تامر حسني، بعد خضوعه خلال الفترة الماضية لعملية جراحية لإزالة الزائدة.

وعلقت شام الذهبي، خلال لقائها مع «et بالعربي»: «ربنا يحفظك آدم لأنه عريس بنتي جيجي المستقبلي، أنا و بسمة بوسيل اتفقنا على الجوازة عشان عايزاها تبقى حماة بنتي، آدم حبيبي من وهو صغير، ربنا يشفيه هو حالته أحسن دلوقتي».

آخر تطورات الحالة الصحية لآدم نجل الفنان المصري تامر حسني

وكان الفنان المصري تامر حسني،قد أعلن مؤخرا عن تطورات الحالة الصحية لنجله آدم، وذلك بعد دخوله إلى العناية المركزة، وتدهور حالته الصحية، الأمر الذي أثار حالة من القلق لدى الكثيرين من محبيه.

وشارك الفنان المصري تامر حسني، عبر حسابه الرسمي بموقع التواصل الاجتماعي «فيسبوك» إلى تفاصيل الحالة الصحية لنجله، قائلا: «أنا مش عارف أشكركم إزاي على كمّ الدعوات اللي دعيتوها، لربنا لشفاء آدم ابني اللي جاتلي منكم هنا وعلى تليفوني».

واستكمل الفنان المصري تامر حسني حديثه قائلا: «تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونة عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونة تقولوا ده شوية برد».

وأضاف تامر حسني: «خلاص لا روحوا اكشفوا كويس، واعملوا سونار على البطن والزايدة مرة و2 عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة».

واختتم الفنان المصري تامر حسني حديثه قائلا: «اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر يارب، بحق “كن فيكون».