• الرئيسية
• منوعات

أعلن الفنان المصري تامر حسني، عن آخر تطورات الحالة الصحية لنجله آدم،وابن الفنانة بسمة بوسيل، ، وذلك بعد دخوله إلى العناية المركزة، وتفاقم حالته الصحية ، الأمر الذي أثار حالة من القلق لدى الكثيرين من محبيه.

ونشر الفنان المصري تامر حسني، عبر حسابه الرسمي بموقع التواصل الاجتماعي «فيسبوك» مُشيرا عن تفاصيل الحالة الصحية لنجله، قائلا: «أنا مش عارف أشكركم إزاي على كمّ الدعوات اللي دعيتوها، لربنا لشفاء آدم ابني اللي جاتلي منكم هنا وعلى تليفوني».

واستكمل حديث قائلا: «تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونة عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونة تقولوا ده شوية برد».

وأوضح : «خلاص لا روحوا اكشفوا كويس، واعملوا سونار على البطن و الزايدة مرة و2 عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة».

وأضاف الفنان تامر حسني: «اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطريارب، بحق “كن فيكون"».

واختتم حديثه قائلا: «اشفيه وعافيه، هو و كل ولادنا، بس هو راجل و هيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم و هو بيدعي بصدق، متشكر أوي يا جماعة شكراً لكل اللي اهتم وسأل عن ابني و دعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه و أنا برضو بدعيلكم».